اسمي كرستين عياد، أم لبنوتة جميلة شقية. زي أي أم بحاول أبذل مجهود عشان أنتقي كتب وقصص جيدة لبنتي، من حيث المحتوى المكتوب والمرسوم. الحقيقة المكتبة العربية والأجنبية مليانيين كتب. لكن بالرغم من كدة مازال في قصور كبير في مناطق معينة

عمرك سألت ابنك أو بنتك، أنت مين؟ جربوا كدة وشوفوا رد فعل ولادكم إيه. إسألوهم شايفين نفسكم إيه، خلوهم يعرفوا نفسكم قدامكم، وصدقوني هتندهشوا هم جابوا الكلام ده منين. خطورة القصة إنها مش مجرد بتحسن من النشاط الذهني للطفل، أو إنها بتكسبه لغة، ...لأ الموضوع أخطر من كدة. القصة بتكون العالم بتاع الطفل. بتشكل الشباك اللي من خلاله الطفل بيشوف الدنيا بتاعته.

أكيد تعرضنا لمقالات بتتكلم عن أهمية الحكي والحكاية للأطفال. لكن عمرك سألت نفسك هو يعني إيه أصلا حكاية؟ في المقالة دي هنتعرف سوا على مفهوم الحكاية من البداية.

كتيب للأطفال باللغة العربية الفصحي عن فيروس كورونا مناسب لسن أقل من 7 سنوات. الكتاب بيقدم معلومات حقيقية للأطفال، لأن الطفل مهما كان سنه صغير من حقه يعرف الحقيقة. الكتاب بيقدم طرح بسيط جدا بعبارات بسيطة تناسبهم من غير ما يخليهم يقلقوا.

المقال ده مهم جدا من اليونيسف بيحاول يوضح ازاي تشرح الأزمة بتاعة كورونا فيروس للأطفال. انا حاولت أترجمه باختصار للعربي للي حابب. وهيكون رابط المقال الأصلي موجود في اخر الترجمة.